官方艺术家
Arho Sunny
作曲家, 说唱歌手, 网络/多媒体设计师
211,795 查看|
648
更新
世界第一易健狗，汪汪 易健兒 CreamyYick
有關影片創作、公開感情、寵物及其他事宜：
關於之前同佢所製作嘅影片，有D主意係出自於佢，有D就係我嘅主意，亦都有D係大家共同創作，但由於佢剪片方面未必夠我熟練，能夠自己做到嘅，佢都會親手制作，只係遇到自己解決唔到嘅情況，我先會幫手去制作佢嘅影片，而呢種合作嘅關係，係經過大家嘅協議，並不存在利用嘅關係。
至於點解唔公開大家嘅關係，由第一日開始拍片嘅時候，大家都覺得感情，或者其他嘢冇必要公開講出嚟，約定俗成下，就一直都冇提及。並無刻意隱瞞之意。
寵物方面，我亦相信佢好愛錫佢地，有關寵物嘅安排，我地已經有左共識，大家無需擔心。
係感情事上，佢可能有做得唔好嘅地方，但人格方面，佢對人好好，對觀眾都係出自真心，鏡頭前見到嘅佢，亦都係現實嘅佢，呢點大家唔需要再質疑。
我地雙方之間，有關感情嘅事已經解決，各位唔需要再為呢件事去作出無謂嘅猜測，希望可以藉住呢篇文正式為呢件事劃上一個句號，俾大家一個新嘅開始。
感謝大家幫忙，萬分感謝。
最後，我再一次為自己所制做嘅麻煩同處理失當道歉。
今日我希望就我一時嘅衝動再一次向所有受影響嘅人道歉，因為我唔識得處理壓力，唔識面對其他人嘅提問，從而失控，去講左D傷害到人，同令人難受嘅說話，為此我想借呢篇文去講一聲對唔住。
我一直都當咁多位觀眾係我朋友，可能投放得太多感情，有時忘記左自己喺一個公開嘅平台上講得太多，我會好好反省。我原意只係當同朋友傾計，而唔係希望大家知道D咩之後去攻擊任何人，當我知道有人會因為我講嘅說話，走去攻擊他人，仲要同番我講嘅時候，我就知我自己錯得好離譜，我真心希望大家唔好再因爲我而去散播仇恨，因為始終係我講太多，係我有錯在先。
同時，我希望大家如果見到其他人，因為我嘅言論，走去鬧事，攻擊別人的話，希望大家可以叫佢地收手，唔好再喺人地嘅地方攪事，互相指罵唔會幫到任何一方出氣，只會令雙方一直困係過去，走唔番出嚟。
有時候，放下仇恨會活得更自在，我都放下左喇，何況身為觀眾嘅大家，點解唔可以放低呢？
發生左嘅事，決定左嘅嘢，好多時都唔會改變到，我希望大家可以幫幫手，俾我或者其他人有一個重新開始嘅機會，就當俾個機會大家放低一直揹住嘅重擔重新出發，我會好感激大家。
最後，我會好好管理好我自己嘅情緒，同好好咁面對壓力，同埋為我嘅言論向大家講聲對唔住，再一次，我希望大家唔好再因爲是非去攻擊任...Read more
