草蜢忘我演唱會2009

「不到長城非好漢」喱句說話聽就聽得多﹐不過 「未睇過草蜢演唱會你就非真真正正睇過演唱會」你又聽過未﹖喱句說話﹐我喺前晚終於可以驗證一下﹐仲覺得一 D都無錯!繼之前去排舞室探班﹐再喺4月 1號晚到紅館睇草蜢 final rehearsal﹐已經預期個 concert會超正!不過原來到真正開 show﹐再加上全場萬幾人一齊 high爆紅館﹐出嚟嘅氣氛會可以去到咁高漲架喎整個 concert有幾好﹐所有台前幕後配答有幾完整﹐舞台設計有幾靚﹐D衫有幾正﹐D舞有幾勁﹐

D歌有幾好聽﹐其實真係唔需再多提!因為文字真係唔夠形容﹐同埋喱個好真係要大家去親身經歷嘅!不過值得一講就係﹐喺而家咁嘅時勢﹐

開一個咁嘅主題演唱會真係適合不過!

喺我嘅感覺同認知﹐

香港人係全球最大壓力嘅群體﹐

由其係正夕金融海嘯當嘅逆境當中﹔

但隨住表演者台上忘我嘅演出﹐

台下嘅觀眾又可以忘我咁享受﹐

盡情跳﹐盡情fing﹐盡情嗌﹐盡情high…

相信對於喱7晚﹐每晚萬幾位嘅觀眾都可以帶嚟頓時嘅釋放同解脫﹐

將煩惱壓力拋諸腦後!

唔單止係咁﹐

最緊要嘅信息﹐

莫過於來自「人愛世人」嘅theme!

壓力唔係發泄過後就乜事都無﹐(亦唔應該胡亂發泄!)

不過當人人都常存愛﹐

以愛待人﹐

起碼可以減少好多人與人之間嘅紛爭!

個show其中一個高潮之一﹐

我覺得係當草蜢唱「人愛世人」喱隻 theme song時﹐佢哋要求全場觀眾手拖住隔離兩邊嘅人嘅手﹐

陌生人都照拖!

場面真係好溫馨﹐

好感人﹐好震撼!

拖手喱個舉動好微小﹐

不過其實都反映住愛!

我 哋要打破隔膜﹐愛世上任何一個人! 我覺得喱點都幾附合聖經裡面嘅其中一個原則﹐

愛一D可愛嘅人係容易嘅﹐

但係就連一D唔可愛嘅人﹐我哋都要愛!

喱個「可愛」唔係淨係講緊外表﹐

同時亦包括性格﹐內在等等 …

總而言之﹐「愛」喱個課題真係一個好大嘅學問﹐

希望 包括我在內﹐大家一齊去學習﹐一齊去實習點樣去付出多一點愛啦!

(再補充多句﹐唔好忘記﹐神都好愛你喔 !)寫到喱度﹐我嘅草蜢忘我演唱會2009後感又差唔多到尾聲喇﹐

個演唱會仲有幾日﹐

希望跟住落嚟去睇嘅觀眾會好enjoy個show同好有得著﹔

買唔到飛嘅朋友﹐

好抱歉喇﹐唯有等佢哋出DVD或下次concert啦!

臨走前﹐等我好 proud咁宣佈﹐我真真正正睇過演唱會喇!!