內「餡」之談

拜個年先!

祝大家牛年身壯力健﹐更上一層牛!

恭喜恭喜!

細佬今日想講 嘅議題係 ... 人普遍都係以貌取人嘅動物﹐對好多事物都只看外表﹐唔睇內涵...不過!!!今日比我發現到原來有例外架!因為以下喱樣嘢﹐對於大家嚟講係絕對係內「餡」行先!無錯﹐就係近日大家「逗」好多嘅 利是喇!!!咁講的確有D 「市繪」﹐但係利是應該係長輩對後輩嘅祝福﹐同時我相信亦係利是封設計師嘅心血同心意﹐但有邊個真係會去 appreciate 利是內「餡」以外嘅嘢呢?正襯住今日有時間可以無聊一下﹐亦為表揚一下各位利是封設計師嘅功勞﹐我就喺屋企搞咗個「利是封選美大賽」喇!喺我今年逗到嘅利是封中選出我嘅心水五強!

(排名不分先後)雖然唔係紅色﹐不過金色自有金色嘅貴氣﹐又有傳統feel 再 嚟一個傳統利是封﹐簡簡單單﹐精緻在利是封面 嘅凹凸紋。 Hello Kitty著中國傳統衫同大家拜年﹐實行 嚟個傳統現代 cross over 牛年點可以無牛牛呀?! 閃令令 嘅牛牛為大家帶 嚟唔同 嘅祝賀說話。 果然係環保先鋒! 豬年利是封淨咗派唔晒? 今年牛年喇喎! 不過我中意﹐因為祝我大紅大紫嘛!

備註一﹕請留意﹐全部利是都未開封架! 由細到大慣咗要等到正月十五後先可以拆利是。係咪好乖仔呢?

備註二﹕請大家注重環保意識﹐可以嘅話﹐儲起D利是封循環再用啦!

你今年又收到D點樣嘅特別利是封呀﹖

不妨po比我睇下啦! 仲有﹐希望大家都多D留意同欣賞你身邊嘅事物啦!!!

世界真係好美好架!!!