Recap

眨下眼已經大半個月無寫 blog喇﹐真係有 D慚愧!係我對唔住大家!Sorry Sorry!發覺自三月到而家﹐工作量好似多咗好多!真係好感恩!喺度同大家回顧/分享我喱排忙過 D乜 !

The Chorus Show終於開鑼喇! (Mar 22 & 23)做 opening guest真係好緊張!雖然之前理工賽馬會綜藝館喱個台我都叫做踩過...嗰次係2004年參加 CAS歌唱比賽得冠軍後上台領獎同表演﹐但今次性質唔同﹐叫做入行第一次做opening guest﹐同埋係第一次人哋比錢買飛入嚟睇嘅show!壓力亦來自自己﹐因為知道個 show嘅主角係一班非常超級無敵十分專業嘅和音人同歌唱老師﹐個 show亦自自然然賣唱功﹐所以自己希望唔會丟架!第一晚真係確實緊張﹐「緊張」兩個字直情鑿咗喺個額頭!不過好彩第二晚已經唔緊張﹐可以好 enjoy咁去投入演出﹐同幾位男和音 jam歌亦好順利﹐喺佢哋身上學到唔少!    

報章雜誌訪問 /拍照Mar 24幫 YES! magazine做 fashion model﹐影一輯以 bow tie做主題嘅相!好中意 stylist揀嘅衫﹐配答得好正!同攝影師 Derek第二次合作﹐佢讚我面對 camera進步咗﹐成個過程都好快好順利就完成晒 8套衫!It was nice to work with you too!!Mar 26 & Apr 2就分別做咗南華早報同明周嘅專訪﹐同大家分享我入行經過﹐講下我隻「其實我不貪心」﹐仲有影相!I really cherish喱 D讓大家認識我嘅機會!Thanks to these newspapers and magazines for giving me this opportunity!    

MY FIRST TV APPEARANCES!Mar 21 & 28分別入咗TVB錄無間音樂同 360音樂無邊!YEAH!終於有得喺電視機見大家喇(定係比大家見 ?!哈哈...)初次面對 camera﹐真係好唔自然﹐唔知望邊度好...緊張到 D小動作出晒嚟﹐對眼又週圍望唔知望邊...不過真係多謝咁多位工作人員嘅包容﹐主持人 Paiseley﹐ Cyrus同小姜又好friendly...錄影一 take過無 NG我自己都覺得出奇 !

首映睇舞 /武功!Mar 29 & Apr 5分別睇舞出真我 2同女拳霸兩套戲嘅首映。無睇過舞出真我 1嘅我入場前真係唔知what to expect﹐淨係聽好多人話第一集好好睇...睇完第二集覺得簡直一流!街舞真係好型﹐戲裡面 D演員舞功勁﹐又跳得落力﹐舞步編排又好精彩搞到我都心郁郁想學跳舞 ! (哇卡卡卡卡)女拳霸原本我無太大期望﹐因為一路都怕睇打鬥片...又驚血腥暴力場面!不過好surprise!我睇完居然中意喱套戲!女主角不單身手敏捷、武功高強演技都一流...聽講佢為咗套戲﹐仲專誠 spend time with一個自閉症患者去揣摩角色添 !

電台訪問Apr 7上咗新城瑪姬純粹嬉戲Hey!節目...第三次上瑪姬主持嘅節目﹐依然咁好玩﹐同佢越嚟越好傾!哈哈﹐今次 D問題好似無上次咁難﹐但係都要瑪姬比提示我先答晒!睇怕係時候要惡補我自己嘅知識喇!