伸手助人

眨下眼一年又過咗喇﹐出席伸手助人協會款活動卻好似發生咗無耐咁!好期待聽日再次為喱個活動出一分力!依然記得舊年嘅付出卻得到好大回報﹐其實真係唔算付出咗D乜﹐只係簡單喺台上表演咗兩隻歌﹐繼而落台向途人義賣愛心曲奇!不過深信因為我雞毛蒜皮嘅付出而令有需要嘅人受惠﹐心情非常雀躍!仲有個意外收獲 —被向我上台獻花嘅義工婆婆錫咗一啖!更加佩服一班有份參與嘅義工婆婆同公公﹐喺佢哋身上見到愛真係無年齡限制!由細到大都特別中意同「老人家」相處﹐好中意聽佢哋嘅故事﹐因為佢哋講嘅每一字、每一句都蘊含住智慧﹐而喱 D智慧係花咗一生去經營同累積出嚟嘅!從細已經覺得﹐我哋可以活於一個幸福繁榮豐盛嘅社會﹐全因上一代嘅辛苦經營﹐所以我哋真係要飲水思源!可悲嘅係﹐佢哋隨住年紀漸老﹐身體會越差﹐甚至好可能會有好多負面情緒﹐覺得自己無用﹐係社會嘅負累!

如果佢哋嘅晚年係要咁樣渡過你話幾慘!

所以我哋真係要做 D嘢﹐忙碌之餘都唔好忘記要照顧長者嘅需要﹐多 D抽時間陪佢哋﹐錫佢哋多D!共勉之

伸手助人協會 之 保多康曲奇義賣運動 2009 –「曲奇同樂日」

日期： 2009年 2月 21日 （星期六）地點：太古城中心二樓舞台曲奇義賣：12:00– 18:00典禮及表演： 14:30– 18:00