憶蓮concert @ Macau

22號晚過咗澳門睇憶蓮演唱會﹐即刻變咗佢嘅fans添!之前都有聽過憶蓮嘅熱門歌﹐好似至少還有你﹐沒結果﹐愛上一個不回家的人﹐等等...不過未真真正正現場聽過佢嘅live﹐一聽之下﹐不得了!中意佢把聲嘅穿透力﹐中意佢音準到無可挑剔﹐中意佢 D感情直接達到聽眾個心裡面...記得細個時﹐聽過憶蓮嘅唱功被批評﹐話佢唔夠氣﹐把聲唔出﹐經過多年嘅磨練到而家天后級嘅功架﹐真係令人佩服同值得學習 ! (細佬﹐加油!)

好好彩﹐完 show後仲有機會到後台同喱位天后見面﹐覺得佢好 nice﹐好優雅﹐好 elegant﹐我向佢介紹完自己﹐佢仲叮囑我要加油添!哈哈﹐又係一件開心到訓唔著嘅事!

***********************************************************************************************距離 VoLiNo Trio Mini Show Part 3仲有 40幾個鐘﹐時間無多﹐準備情況都進行得如火如荼﹐心情亦開始越嚟越緊張喇!!!不過暫時都算風平浪靜﹐感恩!