數碼世代Panasonic-LX2

早前一直心思思想買新相機，藉住返鄉下hea理由，決定買部新相機鼓勵自己08年繼續狂影，問過幾個朋友，最終決定買LX2，本來想貪放便袋褲袋，去玩，睇show用，總之但求無時無刻跟身，諗諗下又覺得咁點解唔用舊個部。查實對上個部係四年前去完泰國，見朋友個部D色靚到呢，跟住第二年去泰國前換機，說來都三，四年前，E+ canon都出到9.0，我部孖五真係，不過佢真係同佢主人一樣經得起日晒雨淋，雖然殘殘地，但影出黎既野好有質素，尤其影夜境。企係百老匯又諗又玩，雖知佢係16:9同機身功能吸引外，質素都係一般，有睇過富士，都知到富士顏色正，但基於近親好友有一部，算啦，決定買呢部北上。Dr.R推介我揀LX2好過FX33，我梗信你！16:9呀，跟2gb卡，哈哈哈，可以同媽咪攪D溫馨野勒。P.S今日好開心，記念品亦非常特別，為我1997年的一段小感情添了更多感慨，有時真係好想努力找回自己喜歡的人見面聚舊，奈何衪連人都不在香港，有時經過大家以往常出現的小街，都好懷念第一次硬住頭皮一齊飲酒既畫面，仲笑我，一啖都面紅，的確，每次經過小感情主角的樓下，都會細想，唔知您大嫂個小朋友依家幾歲？好掛住您煮既生菜出前一丁。