today newspaper

http://orientaldaily.on.cc/cnt/entertainment/20110309/00282_027.html

黃榕出關峰馳電掣

主力走性感路線的黃榕「出關」拍攝噴血寫真，身穿內衣大擺噴血甫士，更出動幾百萬元的名車，提到競爭對手，她竟不將人氣高企的陳靜（DaDa）放在眼內！

性感女藝人黃榕（Gloria）近年似乎曝光率減少，其實她一直不乏行騷及打碟工作，最近更「重出江湖」出寫真，將於書展跟其他o靚模一決高下！新書賣點有十幾個性感造型，更「賣肉」半裸迷暈宅男。

唔放DaDa在眼內

問Gloria為何想出寫真？她說想影一本相集留念：「咁啱同攝影師傾開就決定出，可謂一拍即合！我仲要多謝設計師好朋友拍膊頭幫手，好多靚衫都由佢搞掂。」「百果園咪神」DaDa亦於同期推出性感寫真，Gloria表示未驚過：「舊年佢嗰本冇咩睇頭咋喎，睇吓今年有咩搞啦！（睇好邊個？）我反而有留意Baby師妹楊汀叮，清純啲。」

出動名車配美人

日前Gloria到車行拍寫真照，獲好友贊助多部名貴跑車，包括兩部約200萬元的林寶堅尼以及一部600萬元的紅色法拉利，大玩香車美人feel！Gloria換上多套性感服裝上陣，雖然她未擔任過賽車女郎，但經驗十足的她自動波擺出性感甫士，又瞓又趴冧仔，風情萬種！其後她換上紫色34吋bra時發覺尺寸不合，她即出招搞掂：「我本身係32C，惟有用扣針整窄佢。」結果她成功擠出更深長的事業線，效果噴血！