真係未去過一間服務態度咁差嘅餐廳 同朋友慶祝生日切蛋糕 佢同我地講要收＄250切餅費，ok 冇問題 好多餐廳都有呢個收費，係正常嘅 之後佢拎個蛋糕出嚟，冇點蠟燭又無刀 拎到出嚟仲問我哋「點呀」 我哋問「蠟燭呢」 佢話「我哋餐廳入邊有好多藝術品所以唔俾點蠟燭」 OK你哋有油畫屬唔俾點可以，但點解你同我講收切餅費冇講過係唔比點蠟燭呢 分別有兩個同事同我講要收切餅費都一句冇提過係唔俾點蠟燭嘅 之後我朋友問可唔可以喺餐廳outside area 點 佢就話OK，出到去我哋插咗蠟燭上蛋糕 我哋冇人有火機，再問個四眼經理佢先施施然係個褲袋拎火機出來，佢仲話「我哋有嘅不過睇下你需唔需要」 喂大佬！蠟燭插上蛋糕梗係點架啦唔通用嚟裝飾咩，我明白餐廳有藝術品唔可以點蠟燭，但作為一間似樣啲嘅西餐廳，呢啲根本就係好普通嘅customer Service，你同我地講要收錢餅費係咪應該要同時話俾我知係唔俾點蠟燭嘅呢？

仲要刀都無把，後尾拎把牛油都比我哋 你就咁拎個蛋糕出嚟已經令到慶祝生日嗰位朋友好冇癮，無晒驚喜，仲要成個過程一句唔好意思都冇講過，態度咁已經令到我哋好掃興，最後我哋決定拎蛋糕去第二度切，佢仲要想收我哋＄250切餅費，好彩我哋有check單姐 真係要粗口都講埋！仲要後尾俾我哋上網睇到有其他客人喺入邊點蠟燭又ok wor ! 冇下次！##haileyblacklist系列 #blacklist #史上最差customerservice #冇下次