Title

重有五日就到聖誕喇.....christmas又點少得同最好geh朋友開party呢個環節呢?

講起聖誕，最有印象geh一年，一定係98年跟啊姐去雲頂登台。

完show後，大伙兒一齊上晒啊姐房開party，玩咩遊戲唔記得左喇，只係記得每次輸左，都有唔同geh懲罰，比人花大花面不特止，重要比人罰用大湯碗飲啤酒，當時滴酒不沾geh我，當然就係飛快地high左啦。high左之後，所有心底裡geh感性都浮晒面，平時非常內向的我(哈哈哈....), 即刻攬住啊姐大喊，不停同拒講 : "多謝啊....多謝啊啊姐~~!!!!!".......唉，就係因為甘，之後每次有任何喜慶有酒出現geh地方，我就變左啊姐geh目標人物，因為拒知道飲大左geh我係攪笑非常的，真睬爆。

不過甘，酒後吐出真性情我係絕對相信geh, 有d人會變得好惡，有d人會屈埋一邊喊，我呢，就會先走來走去大大聲撩事鬥非狂講野狂笑，之後就會流出感激geh眼淚不停讚人you good you good，哈哈.....唔知呢d透露左我性格geh邊一面出黎呢?...