小吉子的一天

一路唔記得講，十日談平裝版街真係有得賣喇！！！！快快快快快！！！！

（再唔係上www.goomusic.com.hk買都得，gogogogogogo!!!!!)

話說最近發現呢隻吉個下盤部份甩毛，開頭唔知咩事，

就帶左佢去睇我個表舅父獸醫啦。去到判斷佢係精神緊張，

不過比左d藥佢食都無咩用，終於決定幫佢做絕育手術。

講返轉頭，其實呢甘多年一路都盤算緊閹左佢定係比佢生貓咪，

諗下諗下就無左件事。

另一方面，有人質疑究竟貓仔係唔係應該做絕育呢？

拿我唔係獸醫，我唔敢自己講，但照我啊獸醫表舅父同埋網上資料黎講呢，其實如果貓仔唔係要佢配種唔係要比佢生呢，就最好細細個就比佢做左個手術，原因唔單止係因為佢會乖d啊，馴d啊甘，而係佢地健康真係會好好多。貓女尤其(無絕育貓仔係有比較大機會患cancer)。

就以我啊吉為例，其實呢幾年佢每隔一陣就會發情，喵喵狂叫都算，係見到佢典下典下又解決唔到，我都登佢辛苦。再加上呢個甩毛問題其實我地都估係因為hormones失調引起。結果今日真係證實到，啊表舅父將佢切左出黎geh子宮同ovary攞比我地睇，原來比平常貓仔粗左一倍有多，仲凹凸不平，而且個卵巢仲有好多古怪粒粒.....

甘你地自己判斷絕育好定唔絕育好喇.....總之我好安心將佢呢個問題搵出源頭兼夾解決左啦。

一大朝早就帶佢出去喇....你地睇佢個樣幾“心知不妙”.......

到左喇......................“點解個蓋打得開架！！！！！有無攪錯！！！！”

(留意尾部甩毛部份.....)

吉：“無喇今次無喇....."

做手術中，家長們自由活動時間。

去左飲茶。

你睇呢兩位朋友幾甘擔憂同埋頭痕。

噢，話甘快就攪掂喇！！！！！！

兩個幾鐘三個鐘都唔洗吉就醒返喇。

啊表舅父話佢太肥，順手幫佢抽左少少G添......

不過貓仔眼有怒火。哈哈。

麻醉藥藥力未過，小吉子條利飛左出黎同埋眼kingking。

一小時後，都仲係SIP唔返條利入去。不過就慢慢醒返多d喇。

你地睇佢眼神幾憂怨.......

題外話 ：

今晚去左睇我第四次geh我愛你你咪理理唔理理理，

雖然係第四次甘多，但依然笑爆，依然感人！！！！

四位都做得好好啊！！！！

祖DEE媚就唔洗講啦，不nau都攪笑細胞演戲細胞爆晒棚，都唔知佢地咩構造，

值得一讚係林二汶同學，呢個job確實唔容易handle，甘多個角色又要唱又要跳仲要妳著到甘惹火，哈哈，恭喜妳，妳做得好好，同埋我相信妳都打破左好多自己geh框框，好登妳開心啊！！！！

仲有七場，希望你地越做越HIGH!!!!

未睇過未買飛geh朋友，仲有七場啊，快d去睇喇！！！！！！！！

灣仔APA啊！！！！！！！！！！！！！！！！！！

GO GO GO GO GO GO GO GO!!!!!!!!!!!