尋日我坐喺檔口休息緊，有個中年阿叔行埋嚟我面前，攞起我本書，揭咗好耐。

阿叔：啊，呢本咩書呢⋯⋯哇何韻詩wor 同事C：係啊，何韻詩啊，講露營㗎 阿叔：（放返低）唔⋯呢啲Les嘅，好難講嘅⋯⋯ 我：（?繼續坐正喺佢面前）啊係啊，點難講法呢又？ 阿叔：（一臉嫌棄）佢sheshe wor⋯⋯好難講喇⋯⋯（喵我一眼，出現諗樣） 我：sheshe所以呢？ 阿叔：（再喵我一眼，開始改口）哦⋯⋯啊⋯⋯無嘅⋯⋯（口質質）其實sheshe都無嘢嘅，又唔關我事，係咪？ 我：（笑住追問）係囉，咁究竟咩咁難講啫？ 阿叔：A，即係我係話好難講我買唔買啫⋯⋯但又唔關佢係咪sheshe事嘅⋯⋯（下刪100字） 我：哇，好玄啊你 阿叔：（終於確認我係我，勁尷尬）啊～～～妳係何韻詩啊？ 我：???? 阿叔；啊！哈哈⋯⋯（更尷尬）啊⋯⋯⋯⋯等我買本支持吓啦，妳唔會唔賣俾我掛？ 我：唔會，點會呢?我地好豁達嘅。 阿叔：（付完款，離開）阿何小姐，多謝妳咁大量啊吓，我會返去睇曬佢。（揮手黯然退場）

第一回合菇仔vs歧視， 菇仔完勝。??