醫

想話比大家知，個B今日好好多喇，多謝大家關心。

肯玩肯笑，好生猛又WEEWAH鬼叫甘好多野講。

金牛女女果然係硬淨d!

希望住多一日可以快d出院啦！

多謝幫手睇住佢geh護士姐姐，辛苦晒！

雖然佢見親妳地入黎都喊到拆天，哈哈。

－－－－－－－－－－－－－－－－－－－－－－－－－－－－－－－－－－

今日我想講醫療。

我個契女阿二五B入左醫院。

話說佢呢個禮拜間斷間斷o甘發燒。

二五帶左佢去一間supposed都幾有水準geh私家醫院。

第一次，醫生話“好少事jeh，小朋友發燒好平常。”

返去，食藥，燒唔退，再去門診睇急症。

再睇，都係話，“無咩geh，返去食藥無事喇。”

再睇，又係甘。

都係燒，再睇。

就係甘，一個禮拜睇左四次醫生，燒都係無退，持續高企。

最後o個次，終於叫佢去兒科，高層醫生鬧佢地做咩燒o左成個禮拜先帶o黎，即刻入院。最後發現原來係尿道炎，而且都幾嚴重，要住院抽血吊鹽水，住多幾多日仲未知。

我心諗，呢間都叫做數一數二私家醫院，門診部都係o甘，睇兩睇求其打發你地走就算，問多條問題都好似覺得你地好煩o甘。

如果比錢都係o甘，公立醫院係點情況係點我真係唔敢想像。

我都明白醫生一日要睇幾十個幾百個症係好辛苦，要每個症都好用好多時間去睇可能好困難，但係一個病人拖住患病geh身驅去到醫院，都係希望醫生可以幫到自己。醫者父母心，對住每個病人都應該當佢係自己親人o甘去醫。尤其當前面一個一歲都未夠geh嬰兒，係咪可以用心多少少呢？第一次發燒o黎睇，o甘樣處理都仲可以理解，但係當個BB高燒左三四日都未退，係咪應該搵一搵個源頭呢？

但明顯地，呢次只係千千萬萬個個案其中一個，更嚴重更離譜事件我估要去搵真係隨手搵到十零二十個。呢幾年成日睇到斷錯症醫死人事件，真係希望政府同埋醫療機構可以用心正視成個醫療系統入面geh漏動同問題。

人命o黎o架。

（當然我都唔能夠一竹篙打一船人，我相信香港仍然有好多好醫生同埋護士（我個針灸醫師同埋我個耳鼻喉醫生就係好例子喇），SARS期間捨己救人geh醫務人員我地都無忘記。更多時候可能係整體成個架構出現問題，人手唔夠，O.T.加班等等。總之，醫務人員們請多多加油。）