找出十個錯處。

原來中藥（油）界有此現象，大部分產品總會出現兩個或以上，很接近的版本。

而且通常都會有一些共同點：

1）顏色排版字體幾乎一模一樣。

2）商標人像造型極度相似（尤其右手邊，兩位同學簡直好似李思捷扮黎明一樣甘抵死。）

3）無論真貨假冒，統統印上“提防假冒”字樣，務求大家完全分辨不出真假，甚至到後來生產商自己都搞唔清邊個先係原裝

4）字樣有甘誇得甘誇，家居必備神效靈藥聖藥萬能藥功效神速造福人群等等，諗得出，印得到。

5）產品名接近非常，通常只差一粒字。

有趣，有趣。

p.s. 認真說句，右邊黃色破痛油真真有效，有一次我做完騷成個膝蓋瘀黑一大片，久久未散，我個脊椎師傅幫我用破痛油敷左十五分鐘，已經變左紅紅地色，即係散曬。大家可以買返支看門口。（我係買張權出品的，不過其實我覺得應該係一模一樣。）

Share on Facebook找出十個錯處。