最後都要再多謝周國賢先生一次。（佢晚晚都叫我何韻詩小姐?）

某日收到佢位隱世經理人電話，問我有無興趣幫佢地做呢次演唱會，我第一下反應係諗，我有無聽錯呢？自己嘅project監製過無數次，幫人做真係未試過，竟然有人敢咁大膽俾我做白老鼠！剛好嗰段時間我同麥婉欣正正講緊想開始一個製作venture，就出現呢個機會，真係唔信Law of Attraction都唔得。

我同勞斯開始朝夕相見，重新再認識佢一次。從佢嘅歌到佢本人，我試圖挖出最深層嘅一個佢，有什麼盼望什麼恐懼什麼遺憾，有什麼想對世界講。由構思主題到諗rundown諗氣氛畫面，佢慢慢將佢心中嘅世界剖開，我地一班團隊好似搜集砌圖板塊一樣，一塊一塊將整個畫面組合起來。

整個過程中，佢很努力地迎合我對佢嘅鞭策及要求，例如最抵讚嘅係佢願意嘗試放棄所有歌手都依賴嘅歌詞機（雖然到開show都仲擔心緊?），又或者係台上嘅肢體語言、唱法及力度，我俾佢嘅提議佢都會用心聆聽，再乖乖嘗試改進。

過去四個月我基本上將所有時間都放咗喺佢身上（連自己嘅大碟都要擱置一邊先），老實講真係忙到嘔血?，但睇住件事慢慢成型，到最後佢走到台上，有極大進步，一步一步衝破自己，其實真係非常非常咁拋鑊him。

衷心感謝我最❤️嘅勞斯（同埋佢嘅隱世經理人?）對我嘅無限信任，俾我有機會找出另一個身份角色，亦俾我有機會踏上控制台完成了我地團隊的第一次。

一月再見（然後就係紅館㗎喇?）！

p.s.（靠光管）I ! ！！LOVE~YOUUUuU～～～!!!!!!!

銀河鐵道之夜

大佬好嘢

我愛勞斯

心肝錠?

能成為密友大概總帶著愛