今晚睇咗陳潔靈《由靈開始》演唱會，太震撼太美麗，聲音舞台燈光樂隊，Sa姐的歌聲，風範，對白... 是鑽石級的，唔睇係你嘅損失，我肯定，第一首歌我d眼淚差d流出來係’當天那真我’。 我叫佢Sa姐，未必太多人知道我們認識。畢業不久，我們一齊做了一個舞台劇，她是主角，我是大配角，但她對我們每一個小朋友都是無比親切和尊重。 之後，我有一段短時間，當她去登台，她會叫我去做她伴唱，(我形容自己係豹小子)，第一次去麗星郵輪都係多得Sa姐。我地真係會一齊載歌載舞，白金升降機，英文歌乜都唱。這個經驗當然是千金難買(但Sa姐在人工上亦冇待簿過我），但我最深刻印象一定是她獨自一人在台上唱她的金曲，今晚夜，星夜星塵... 快歌，她必可帶動全場氣氛，慢歌，就算唱了一萬次，她依舊全情投入，每一次我都係台側看得入迷。 她對表演的追求，智慧，要求，一絲不苟，絕對是我的榜樣。 Sa姐，多謝你仲會記掛住我同妺妹，你要好好享受呢個show, 之後一齊食飯好好一聚。

陳潔靈

由靈開始演唱會