東Touched.

彭秀慧&Teens  創意栽培

text: Joyce  photo: Lam  art:02

年輕人的創意，是最無價的資源，若果我們不好好珍惜、鼓勵他們成長、萌芽，可能有一日創意會跟地球上的資源一樣買少見少，瀕臨絕種。難得今個秋季太古港島東(即近年常常舉辦exhibition的鰂魚涌太古坊)找來跨媒體創作人彭秀慧，還有一班熱愛戲劇、創意無限的年青人，在ArtisTree，一個商廈與商廈之間騰出的空間，演出跨媒體劇場創作《大城小我》，一起栽培藝術氛圍。

源自生活

       既是編劇，也會自導自演的Kearen，近年多部一個人孭飛的舞台劇《29+1》、《再見不再見》都獲得一致好評，今次應太古港島東邀請，找來一大班年青人，排演一連三日舉行的四場跨媒體劇場《大城小我》，再度跟一班年輕人合作，令Kearen感受很深。「做過好多個年輕人project，每次都覺得係最後一次，因為要用好多心血，我會同自己講係最後一次，咁至會搏咗條命去做，所以今次都係最段一次。我諗我對年青人同對我啲friend都係一樣，唔會有好大唔同，可能自己做開劇場，都幾活潑，所以溝通上都無問題。」《大城小我》概念是源自一班年輕人見過的、關於他們生活的事，是訪過劇場，表達他們的想法。

青春的定義

       因為今次project，Kearen跟眾年青演員們可以說是朝夕相對，他們都坦言，經過兩個月來的排練，已建立深厚感情。「呢段時間真係見得好密，幾乎晚晚見，大家會知發生緊咩事，無論工作、學業，大家都好honest咁去sharing，好難能可貴，就算個show完咗，呢份友誼都會keep住。」Kearen說跟一班年輕人合作，令她反覆想看甚麼是青春這個問題，青春是不是一定美好？未必的。「同佢哋相處，我發現佢哋都唔係付一刻都快樂，都會有煩惱、好多嘢諗，只不過我哋都過咗個年齡，只係記住啲好嘅嘢。我覺得我有一個使命，就係喺佢哋青春嘅時候，諗一諗青春對佢哋最可貴嘅係咩，認識自己更多，揀自己想行嘅路，青春最可貴，其實就係有得揀。」

1            Kearen：「作為一個藝術工作者，要具備嘅就係有passion，唔係對表演，而係係對生活，要好敏感，對好多嘢都在乎，唔想放過任何一個moment。反而skill、技巧可以後天培養，passion係要天生嘅。」

2            Hazel：「趁早排暑假，又無嘢做，就參加咗，想做咪去做囉，將呢個暑假同大家share，想透過劇場表達吓自己。」

3            Car：「以前都參加過一啲舞台劇workshop、上過Kearen堂。我本身唔係幾識表演，鍾意幕後多啲，參加之後，唔覺得自己叻咗，但就知道應承咗要盡力做。」

4            Potter：「好簡單，就係因為想做show，表演慾強，Kearen搵我，所以就做。最難忘係有一晚我咃圍埋一齊傾偈、講心事、咩都講，從中對大家加深咗認識。」

5            Charlotte：「喺劇場，有一種好大嘅力量，愈來愈對自己坦蕩蕩，時間耐咗會更了解自己，一路做發現自己嘅不足，係俾機會自己改善。」

6            Alex：「一直都好鍾意喺舞台上嘅感覺，有燈打落嚟就好enjoy。中五時有個朋友搵我做drama嘅男主角，係第一次，之後更自己走去商台應徵森美小儀歌劇團，係好大嘅轉變。」

7            Karen：「我嚟唔係為咗出show，表演慾都唔係太強，只係好鍾意成班年青人做同一件事、一齊創作，咁樣過暑假至唔會白費。呢次show無固定角色，無框框，可以做番自己。」

8            Helen：「工作關係我無怖時間玩呢類workshop，有一日Kearen叫我一齊玩，於是參加。要請假開頭都擔心，但我覺得機會好難得，唔可以放棄，唔理其他人點諗，我都會堅持。」

《大城小我》

日期：2009年9月17至19日

時間：9月17日、18日晚上7時30分、9月19日下午3時、(加場)晚上7時(全部爆滿)

地點：港島東太古坊康和大廈1樓ArtisTree