因為呢排嘅新聞，今晚心血來潮寫了 Justin Bieber - Love Yourself (Remix)，僅以呢段rap送俾感到迷茫的年輕人，I Love Yall！

〔歌詞〕 Verse 1 自問都曾經經過同你哋同一個年紀 我都試過問過自己點解好似被人嫌棄 唔係演員但學校要帶住面具演戲 出面陽光普照 但內心係最惡劣天氣 每日好多測驗考試 但成績不如意 唔係資優生所以無得到過老師注視 學校無教過點樣待人處事 好似返學 考好成績 係唯一意義 為前途徬徨 開始感受到成長壓力 父母嘅期望 逐漸變成無形壓迫 好似慢慢失去年青人應有嘅魄力 或者係因為對未來感到有心無力 當痛苦 已經超出你嘅負荷 當生命 已經成為唔想面對嘅苦楚 你可能認為 自我了結 先可以擺脫苦果 但希望你落決定前 先聽聽呢首歌 放心 大道理唔係呢首歌嘅內容 唔係心理醫生 你嘅心事唔識同你開通 我唔識你 唔知你背後嘅苦衷 我唔係你 亦唔可以話明白你嘅苦痛 你唔明點解感到痛苦仲要接受批評 你唔明點解感到痛苦仲要 Keep On Fighting 好多人對自殺抱有負面嘅反應 原因只係佢哋仲未明你嘅心路歷程

Chorus: Cause if you like the way you look that much Oh baby you should go and love yourself And if you think that you're still movin on for someone You should go and love yourself

Verse 2 我明白呢刻你唔在乎問題有冇解決 你只係想盡快從死亡中得到解脫 但解脫嘅感覺只有活著先可以感受 生命結束後感覺亦變得一無所有 當你對死亡嘅決定 仲未確定 其實已經係想活下去 意念嘅確認 如果你心底有一絲想生存嘅呼聲 就讓呢首歌對你嘅心聲作出呼應 對生命嘅憎恨 源自你嘅無助感 但相信我 你從來唔係一個人 當你嘅傷痛 你認為無人過問 佢哋錯誤嘅表達都係來自關心 需要幫助唔係可恥嘅事情 記住跨過難關唔係個人使命 黑色嘅夜空充滿引路嘅星星 只要你願意 身邊仲有好多人願意陪伴聆聽 我唔知音樂 能否拯救生命 只希望呢首歌安撫到你受傷嘅心靈 如果你仲聽緊 我感到高興 因為你願意俾一個機會我影響生命 你問世上有冇值得你重視嘅人 That will be you cause you are the only one 愛自己 請將愛用喺自身
嘗試愛自己先算不枉此生

Chorus: Cause if you like the way you look that much Oh baby you should go and love yourself And if you think that you're still movin on for someone You should go and love yourself