在地上行走

在地上行走，一切講究包裝。自以為事者自己包裝得體之餘仲幫埋你手包，唔問你同意不特止仲言之鑿鑿向外界宣稱所講一切乃事實之全部，並 無加鹽加醋。嗱 好似強國幫第三世界國家包裝成日月無光，鬼哭神號的絕地一樣。我們從未踏足就選擇相信…愚昧度濃過出前一丁嘅豬骨濃湯，比相信初交男友為自己拍下淫照只供 獨家私欣賞一樣無腦，蠢過隻豬。睇人睇事道理雷同。個體户將自己包裝成笑容親切兼吓吓攞個心出嚟咁樣。佢講事實又好，事非又好，膚淺嘅我同你聽他字字真 誠，句句誅機由耳朵速遞到我哋個豬腦，好多時想唔信都幾難啦！真相往往需要時間驗證，事實一定勝過雄辯。情緒病病人被魔鬼醫生禁室陪慾多年，投訴碰釘撞板 更被朋輩冷笑癡咗線……豬腦突然接通《無間道》其中一塲對話-黃sir：琛，做人唔係咁㗎，個世界唔係咁㗎！你一句癡咗線﹑佢一句癡咗線，一個傳一個，想 唔癡線都難啦！人言可畏， 願我能在地上保持清醒﹑客觀。上天保佑！(豬其實一啲都唔蠢，只係懶。在地上行走的，大把蠢過隻豬啦！)