窒息

你試過窒息嗎？…無。

那種像要快死掉呼吸不了的感覺你沒有試過嗎？…沒有。

OPPS…我“鄧”你唔抵！

窒息很過癮啊！

試幻想妳暗戀多時的心上人在一個沒有設定的時間環境下向你吐露原來他老早已喜歡上妳…你會立即DOWN機…噹…然後抖唔到氣，呼 吓呼吓呼吓窒息窒息窒息…好喇，終於回過神可以抖一啖大氣勉強鎮定過來的同時但他的嘴已在妳臉上輕輕留下痕跡，四目在這刻交投，他更大膽地將手放到他剛吻 下的位置輕輕的用大拇指將唇痕擦去…妳…窒息了！請記住：不是他令妳窒息而是愛會令人窒息。當然不同種類的愛到達某種地埗會令人產生不同層次的窒息感，聰 明的讀者們應該會了解啊！

我起得呢條題唔通我未試過咩？傻豬嚟嘅！我喜歡愛的窒息但我有另一種窒息與你分享。八年前辭去新聞攝影師那份福利ok薪水不俗的 工作時，很多同事都說我很苯：份工咁好人工又高以你咁嘅學歷去邊度揾吖？何不襯後生“草”定筆首期買層樓然後結婚生仔投資炒股滾大舊錢好過啦傻仔！想喺香 港夾BAND揾食？咪同喺大海撈針一樣！

我當年辭工唔撈除咗為夾BAND外當然還有別的因素。在新聞部工作至後期時我從同事身上看見自己的未來。如果繼續一直努力工作下 去我會好快和他們一樣上到車買到樓但供到甩肺，然後順理成章結婚生BB，好彩嘅話仲可以買架錢七代步TIM。當期時我反覆問自己這是我想要的嗎？就咁就一 世呀？我感到窒息因為每個同事都跟隨著同樣的路徑同一個諗法只不過買嘅樓唔同揸嘅車唔同結婚嘅對像唔同罷了。我不要這樣悶味的人生。我追求的是多“之”多 彩的，刺激得像坐過山車的而不是腳踏實地打份工努力養妻活兒，力供強積金至退休然後安享晚年的人生啊。

還有另一種會令我感到窒息的是當我聽到或是親身經歷到人性的醜陋如為搏上位而踩著人心口，膊頭硬上再刻意以說話，陰招等旁門左道 加強力道中傷的。這些可恥的行為不會令現在的我動怒但會令我窒息，講真呢個世界仲邊有人人為我，我為人人呢支歌仔唱吖！唔挖個坑加蕉皮送你一程都算功得無 量喇！

親愛的舊同事，讀者們，如你讀到這篇文而令你有hard feeling，對唔住！你們肯定無錯只不過大家走的路不同而已。

願主保守所有努力賺錢養妻活兒的人。