我就係最討厭泛民又出嚟講咩最黑暗一日，講乜唔好放棄希望乜乜乜，將個責任推得一乾二淨！

喂，呀哥！薯片輸唔係咩選舉黑暗呀！黑暗你唔係第一日知㗎，你仲知道薯片得你哋嗰三百零票唔夠贏㗎！你哋全部都知佢要拎商家佬同建制二百零票㗎！而結果你哋300+連同黎智英，鄭經翰，劉細良都冇諗過幫手搶對家票呀！剩係識講咩棄胡投曾，屈胡官係鬼呀！

你哋當中係有人同商界，什至建制都好好關係喎！鄭經漢自稱當時係特區政府幕僚，劉細良又係中央政策組喎！有冇諗過，做過，幫過手乞多二百零票先？冇嘅話當日講咩策略呢？講鄭咩兩害取其輕呢？一個心存僥倖嘅所謂策略本身就唔應該實行啦！

你哋真係想贏咩？真係想贏嘅就乞都乞返二百零票！就算冇二百，俾你乞到一百都算光榮咁輸呀！但係你哋冇呀！歸根究底你哋冇諗過要贏，你哋只係一班政治投機者！想造王又唔想付出！仲有一班支持緊呢個諗法嘅人，你哋連要點贏都未知，剩係識叫春，舉下民主之父，賜個死亡之吻！講咩策略？蠢過隻豬咁學咩人講策略先？仲話拉一派打一派？對抗共產黨？

香港有你哋！就真係日日都最撚黑暗嘅一日嘞！你哋全部都冇資格咁講！