2010 世盃特集 ... day 2 ...

2010 世盃特集 ... day 2 ...B組南韓 VS 希臘  ( 19:30  12/6 )預測： 南韓 2 : 1 希臘體力充沛 既 太極虎 南韓，由 效力 英超 曼聯 技術型中場 朴智星 Ji-Sung PARK 著起 7號波衫 帶領出戰，配搭上兩名快翼，效力 法甲 摩納哥 能夠o係 11秒內 跑完100米 既 10號 朴主永 PARK Chu Young，及 效力 英超 保頓 既 亞洲新星 17號 李青龍，攻力絕不容忽視。經歷02世盃得殿軍既成功，及06分組出局既洗禮，太極虎整體均越見成熟，體力型緊迫踢法，快翼突進，中場策動，團體防守，絕對有力在B組次名出線。希臘 由 德國史上最成功教練之一 列哈格 帶領，04年為希臘破天荒贏得歐洲國家盃冠軍，其戰術及領軍能力絕對一流。團體打法 及 防守力 引領 希臘 入圍，但攻力就真係好一般，所以對住同樣打團體戰但攻力出色既南韓，都真係幾危！*B組阿根廷 VS 尼日利亞  ( 22:00  12/6 )預測： 阿根廷 3 : 1 尼日利亞足球勁旅 阿根廷，往往給予球迷打個人天才波既印象，而歷屆領隊戰術既運用，每每都令球迷失望，還記得上屆8強出局，就又係戰術錯誤既後果。今屆由 「神級」 反叛球王 馬納當拿 領軍，「神級」左腳 Lionel MESSI 美斯，「神級」鋒力 Gonzalo HIGUAIN 希古恩；Tevez 泰維斯；Diego MILITO 迪亞高米列圖；Aguero 阿古路，攻擊力絕對超班！ 中場策動方面反而有點令球迷擔心，但如果 美斯 移後擔任 進攻中場/輔鋒 相信問題可以得以解決。 而防守中場及後衛均見穩固，門將則一般。超霸鷹 尼日利亞，好多人都認為有機會小組出線，但我就相信佢地會出局。佢地有 非洲球隊既力量型 亦都具技術性，但每每臨場一被對手 "搓多幾搓" 控制住節奏，就會被牽住鼻頭，被對手支配住。 打順景波佢地冇問題，但一逆景就死梗，簡單來講，可演繹為： 四支發達 頭腦簡單！*C組 英格蘭 VS 美國  ( 02:30  13/6 )預測： 英格蘭 2 : 1 美國英格蘭 應該係香港球迷最熟悉既一隊國家隊，因為個個都鍾意睇英超果種快上快落既激情足球。 而 英格蘭 o係外圍賽既優秀表現，更令好多香港球迷及足球評論都認為 英格蘭 有力問鼎今屆世界盃！但SORRY！ 我認為 英格蘭 今屆最多到 4強！英超係好睇，英格蘭可以話係乜都齊乜都有，但就係欠一個中心，一個真正球星，「球王」！個個都平均，就搞到成隊波冇左一個中心，冇左一個落場上陣殺敵既主將。演化出來既問題，會有好多，最簡單 緊張關頭個波去邊個度？ 邊個發板？ 邊個hold住個波？咁就經已死得啦！而 美國 就有中心啦！ Landon DONOVAN 當路雲。總之一句講晒，有乜依郁，一腳交過波俾佢，起碼唔洗想其他。但就老老實實，未夠班就真係未夠班，美國會有好既突擊做到，但整體來講都係二線球員，配搭出二線球隊，體力型打法唔會有太大驚喜。