Paul Potts 的啟示

Paul Potts 近期瘋魔香港，佢既成名故事相信好多朋友都大慨知道。 咁大家得到d咩啟示呢!? 成名前Paul Potts係一個平平無奇既36歲手機銷售員，佢自覺前半生好潦倒。 因為佢樣衰，講野漏口，又冇自信，自細0係學校就經常被同學蝦，唯一令佢有番少少安慰既就係佢有一把好聲。 28,9歲時佢用兩萬英鎊去意大利上專業歌劇課程，其中一堂課重係由『高音C之王』巴伐洛堤 (Luciano Pavarotti) 指導。 之後一連串當黑事情就開始發生 ... ... 03年盲腸爆裂住院開刀 ... ...開刀完住院休養 ... ... 出院之後覆診時又發現腎上腺生左一個大腫瘤 ... ... 於是又再開刀 ... ... 到就快康復既時候，佢又0係單車上面跌落地，鎖骨跌斷左 ... ... 哩幾年時間佢都冇辦法唱到歌。 終於，到左今年，佢正考慮放棄歌劇夢想，專心做一個平凡既手機銷售員。 但佢俾自己最後一次機會，就去左參加『Britains Got Talent』。 初賽時冇自信既 Paul Potts 咁講：『我唔認為評審對我有期待 ... 我又肥又矮 ... 著住件平價舊西裝 ... 髮型師用既髮膠又太黏 ... 令我睇起來好似有d光頭 ... …』 0係後台訪問時，佢坦言自己信心唔夠，但最大願望就是成為職業演唱者 ... 三位評判一臉不屑咁叫佢開始表演 ... ... 『Turandot』中既『Nessun dorma』奏起 ... ... 三位評審露出沒有任何期待既表情 … … Paul Potts 的歌聲一出 ... ... 傳奇乍現 ... ...

Video: http://www.youtube.com/watch?v=NLF9iEXnBRo

網上一眾流傳話 Paul Potts 俾左世人兩個訊息： i, 千萬不可以貌取人！法國哲人蒙田告誡我們：按照自己過往經驗來判斷事物的正確與否常是愚蠢至極的。 ii, 千萬不要放棄理想！只要盡自己最大努力去實踐理想，奇妙既事情就會發生，Paul Potts 將要到英女皇面前表演一次呢。 對於 Paul Potts，我個人來講都真係好欣賞佢既才華！ 但我就更加睇到一個重大既實証，就係『包裝係大於一切』/『Presentation is everything』！ 自己諗諗點解 XD~