「燈鄧鄧蹬等鄧鄧」

好感恩終於可以拍 TVB版本嘅「其實我不貪心」MV喇!好中意拍 MV﹐因為歌曲嘅意境一直都只係喺腦裡面﹐但藉著MV就可以從視覺上呈現出嚟!雖然都算幾早就開始拍個 MV﹐但我實在太興奮喇﹐居然完全無賴床囉 ! [自豪中...]當我知道仲可以一日走幾個 location拍﹐有日景﹐有夜景﹐又有屋景﹐我就更加 high爆啦!!!不過要喺咁多唔同地方拍﹐D工作人員一定好辛苦﹐當中有拍攝嘅﹐有打燈嘅﹐有負責道具嘅﹐有播音樂嘅﹐等等等等...又要 set up﹐又要收拾﹐足足忙咗一整日﹐真係要好好多謝你哋每一個!亦多謝 TVB安排咗石澳喱間咁靚嘅屋嚟拍﹐夜景就喺新天星碼頭取景!石澳喱間無敵海景嘅屋之前睇戲就見得多﹐真估唔到居然可以喺我有生之年能夠親身去到!我當然有把握機會影靚相﹐好好享受同親近一下大自然啦!講番個 MV﹐今次對我確實係一個幾新嘅嘗試﹐亦係一大考驗﹐因為身為一個演技經驗近乎零嘅我﹐除咗要拍攝唱歌部份之外﹐更被導演安排咗少少同女主角對手戲嘅部份...感激大家對我嘅包容﹐特別係導演 Eric同女主角 Cilla﹐希望之後繼續會有機會向你哋學習啦!仲有一場好值得一提﹐就係講我憂鬱彈琴喇!本身導演要求我跟音樂彈一段仔﹐但由於無譜﹐而我又好耐無掂過個琴﹐所以只能夠即場搵番 intro嗰幾粒音﹐[即係...Read more