官方艺术家
彭纪谚
歌手
119,076 查看|
51
更新
今個禮拜一三五為新城節目粵港潮做嘉賓主持﹐仲會邀請圈中好友比我訪問添!起初一接到喱個 job就覺得成件事真係不可思議!!!「口才了得」嘅我連被訪問都驚到口窒窒﹐今次仲要去訪問人添﹐仲唔緊張到甩牙骹咩?!終於驚咗咁耐﹐喱一日終於都嚟到喇!驚都無用﹐唯有比 D心機 prepare一下﹐set定 D問題準備訪問啦!第一日請到我EP監製蔡一智﹐真係超感激阿智﹐因為佢真係唔單只兩協插刀去幫我﹐仲要幫人幫到底!入到直播室嘅氣氛好熱鬧﹐因為除咗有我同阿智之外﹐仲有露芙同陳禮賢喱兩個正牌節目主持﹐再加埋身處廣州嘅主持彭偉添!大家開咪就真係好似傾計咁﹐所以總算唔係太緊張!又發覺其實佢哋幾位好錫住我喱個新人﹐見我唔識插嘴又會丟問題比我講。訪問嘅內容亦都令我受寵若驚﹐因為談論我同阿智嘅合作時﹐阿智讚我嘅聲線好有潛力﹐話我令佢諗起少年陳百強﹐仲話我嘅歌路可以發展到Eason咁闊添!得到阿智喱番鼓勵真係好開心﹐但唔多唔少都會有些少壓力﹐因為別人對我有期望﹐我自己就要做好 D﹐唔可以辜負阿智同辜負大家!不過﹐阿智都好體貼﹐都叮囑我千其唔好比自己太大壓力﹐既然中意做喱行﹐做音樂...Read more
「我有我節奏 …K。 SWISS」你哋有無睇到我個廣告呀﹖除咗我之外﹐仲有無睇到小提琴家姚立宏同Audiotraffic嘅version呢?無睇過嘅朋友﹐你哋可以喺度睇返喇!
係咪好型呢 ? [哈哈﹐唔知醜!]不過﹐我都係覺得姚立宏同 Audiotraffic型 D...
如果唔夠喉嘅話﹐有好消息比大家喇!我哋幾個被MR雜誌邀請做咗個訪問﹐影咗一輯靚相﹐將會喺十月號出版喇!
講返今次 shooting﹐其實都幾緊張架!因為前排不停準備錄音同 live show嘅事﹐好似有一段時間無影過喱類型嘅high fashion男性雜誌相喇!可能最近做嘅訪問大都影D開心相﹐好多時間都笑到四萬咁口﹐今次除咗要重新調較自己去返一個酷樣之外﹐仲要顧埋 product同與其他 artistes一齊影﹐所以要諗埋點可以擺個型 pose之餘﹐仲要去突顯個 product﹐同埋夾其他 artistes嘅pose。不過過程非常順利﹐同攝影師又有好好嘅溝通同配合﹐所以輯相影出嚟應該會幾正架!大家請熱切期待 MR magazine嘅October issue﹐買返本嚟支持下啦!
WOWOWOWOWOWOWOWOWOWOWOWOWOWOWOWOW!!!!終於好快就有機會拍我第一個廣告喇!!!今次仲唔係就咁拍咁簡單呀﹐條廣告音樂我都有份參與添呀!首先透露少少啦﹐喺個廣告音樂裡面我會show出我嘅看家本領﹐吹咗八年嘅長笛!
唔單止我呀﹐個廣告其實仲有幾個
version﹐其中一個就
feature一位好犀利嘅violinist!
而禮拜一晚我哋就一齊去咗studio錄音喇!演奏家果然係演奏家﹐一拎起個小提琴就自自然然人琴合一!佢仲 pro到帶備咗兩個唔同音質嘅琴﹐睇下邊隻音色錄起嚟適合D!
(umm..唔係普通兩支小提琴﹐係兩支「古董」小提琴﹐平嗰支都閒閒
哋幾十萬嗰D!)我坐喺隔離都唔敢坐太近[見圖
]﹐嗰度絕對係個高危地帶!
Read more
由於日前不停收到網民 /狂熱仰慕者投訴有關「細佬」好耐無 update個 blog﹐本人近日臨時成立咗一個一人專責小組去調查喱件事...連日追查及盤問犯人之下結果已經出咗嚟喇!被告「細佬」終於認罪﹐及托我向大眾作公開道歉!事關整個五、六、七月嘅工作量的確增加不少﹐再加上攰同「輕微」嘅懶惰導致今次疏忽﹐請各界人士多多包涵及體諒!以下係被告作出嘅少少彌補﹕**May 25, 2008 (Sun)
TVB Live House – Mini Concert***錄影*
多謝所有到場嘅觀眾/狂熱仰慕者撐場﹐多謝各嘉賓
(徐偉賢﹐高鈞賢﹐伍仲衡﹐劉祖德
)抽空蒞臨同傾力演出﹐亦多謝阿
Sam﹐阿
Ziv﹐
Mabel﹐
Cyrus等等所有工作人員辛勞嘅付出!些些!!!
Read more
終於 confirm咗我會有一場屬於自己嘅mini-concert...將會喺5月25號錄影一集TVB Live House!真係超級興奮...感恩咁快就有咁難得嘅機會...喺我實現夢想嘅旅程當中又跨出多一步!雖然仲有好多詳細嘅嘢要繼續落實﹐自己亦有好多準備功夫要做...但係我有決心﹐今次一定要 put on a good show去答謝大家對我嘅支持﹐唔可以辜負你哋對我嘅 期望!
想嚟捧場嘅朋友請稍後留意我個forum﹐
睇下點安排攞飛嚟睇啦!
由細到大都好奇香港嘅中學會係點架呢?之前幾次嘅校園歌唱比賽嘉賓就有機會比我「見識」一下!發覺香港嘅中學生好熱情﹐喺佢哋面前表演真係會唱得興奮D架wor!而更興奮嘅就係...跟住落嚟幾個月我有更多機會到唔同中學表演喇!好榮幸分別得到新城同 YES!嘅邀請﹐可以成為 school tour嘅一份子!好快好快 (四月尾開始 )就會陸續到唔同地區嘅中學同大家見面喇!唔知會唔會去到你嗰間呢?!到時大家可唔可以熱情 D歡迎我呀 ?!
大大話話﹐入行後嘅喱大半年過咗好多個「第一次」!...第一次入錄音室...第一次拍MV...第一次登台
(仲要係出埠嗰隻)...第一次影宣傳照...第一次做訪問...第一次上電視...第一次有自己嘅「狂熱仰慕者」(佢哋好似想咁稱呼自己﹐唔想叫粉絲wor?!?!)相信應該唔止得喱
D「第一次」!而好快
(幾個鐘頭之後嘅事)﹐就會再有我嘅另外一個「入行後嘅第一次」喇!不過好抱歉﹐知道有
D「狂熱仰慕者」想同我一齊過﹐但可惜時間上今年真係未必安排到喇﹐無論之前或之後都未必有「期」或function喇...不過其實我不貪心架!佢哋之前都比咗個surprise我...四月七號嗰日做完電台訪問﹐專誠拎個
cake嚟又提早唱牛一歌比我聽[下次再唱大聲
Dwor!wakaka]﹐好touching!A MILLION THANKS TO你哋!仲有呀﹐唔好花錢買禮物比我喇!你哋好好儲起佢﹐又或者用喺D有需要嘅人身上我會更開心!Promise me, OK?點都好啦﹐希望出年會有
function﹐然後再有多
D人一齊過﹐再熱鬧
D﹐玩得再開心
D啦!
眨下眼已經大半個月無寫 blog喇﹐真係有 D慚愧!係我對唔住大家!Sorry Sorry!發覺自三月到而家﹐工作量好似多咗好多!真係好感恩!喺度同大家回顧/分享我喱排忙過 D乜 !
The Chorus Show終於開鑼喇! (Mar 22 & 23)
做
opening guest真係好緊張!雖然之前理工賽馬會綜藝館喱個台我都叫做踩過...嗰次係2004年參加
CAS歌唱比賽得冠軍後上台領獎同表演﹐但今次性質唔同﹐叫做入行第一次做opening guest﹐同埋係第一次人哋比錢買飛入嚟睇嘅show!壓力亦來自自己﹐因為知道個
show嘅主角係一班非常超級無敵十分專業嘅和音人同歌唱老師﹐個
show亦自自然然賣唱功﹐所以自己希望唔會丟架!第一晚真係確實緊張﹐「緊張」兩個字直情鑿咗喺個額頭!不過好彩第二晚已經唔緊張﹐可以好
enjoy咁去投入演出﹐同幾位男和音
jam歌亦好順利﹐喺佢哋身上學到唔少!
今日出席咗一個大專聯校攝影比賽做嘉賓評判﹐睇咗30幅作品﹐全部都係攝影者從鏡頭捕捉佢哋嘅「理想」!幾時都覺得人嘅理想係美麗嘅﹐係感動嘅﹐係暖笠笠﹐甚至係火熱嘅...可以同別人分享更為幸福!D相嘅質素真係好好﹐我甚至覺得莫名奇妙點解搵我做「嘉賓賞識大獎」嘅評判...我諗我做到嘅就係﹐撇開攝影同晒相技巧﹐評出一個我最有共鳴嘅作品吧!最後揀咗一幅「簡單」嘅作品...相嘅構圖好簡單﹐無花巧﹐係日落黃昏時影一對正悠遊釣魚嘅人!Caption大約寫住「夢想同生活其實可以好簡單﹐好好享受人生嘅每一刻同色彩」讓我哋一齊﹐用最簡單﹐最純真嘅心去享受生命吧!
我係唔係好有眼光呢?!
今朝一早做完新城粵港越流行訪問﹐就急急腳出上環搭船過大海喇!梗係唔係去賭啦﹐係去偷師呀!事關國際天后 Celine Dion巡迴演唱會其中一站喺澳門威尼斯人賭場舉行呀!曾幾何時我都有不停煲 Celine Dion嘅歌架! (話晒算係半個同鄉嘛!)個演唱會果然無令我失望﹐天后不愧為天后!唱功勁不在話下﹐佢嘅舞台功架真真無得頂﹐十級有壓台感...喺佢身上真係偷咗唔少師!最嘆為觀止﹐亦都係我最期待嘅歌﹐就係"All By Myself"...一路聽 CD都好中意喱隻歌﹐因為 D歌詞好能描繪同表達出一個人孤零零嘅感覺﹐個 melody又好有震撼力...估唔到今次聽喱個 live version仲更加 powerful﹐真係聽到個心酸一酸﹐D眼水好似想湧出嚟咁!真係再次感受到音樂嘅威力!不過喺喱個咁感動嘅時候﹐坐喺我隔離嘅家姐竟然話: 「你睇下佢攞咪嗰隻手嘅老鼠仔丫﹐你真係要勤力 D做gym呀!」我已經努力緊架喇!我心裡亦同自己打氣﹐「我都要做一個歌聲有震撼力嘅歌手!」比 D時間我啦!加油 !加油 !加油 !
