多謝大家祝我生日快樂!!!

終於有相睇嘞!!!好多謝各位街坊喺上個星期六咁比面出嚟同小弟慶祝生日!!!能夠攞到咁大叠大家比我嘅面,實在係賺幾多錢都買唔到啦!小弟直頭係無言感激啦!!!不過大家嗰晚出奇地斯文同慢熱...結果我無啦啦做咗一個鐘酒廊歌手(黑妹李麗霞! hahaha...)切完蛋糕各位街坊先warm up起嚟...我就直情已經high晒啦...有咁多禮物收喎!!! 唔講咁多嘞....各位睇相啦!!!

「歌舞伎町街坊福利會」大合照!!!

好大個蛋糕! 好靚嘅花! 好老嘅壽星女! Yeah~

許願:「我希望下世可以嫁到比梁朝偉....」

本來諗住淋人...結果淋濕埋自己嗰對好貴嘅靚鞋...之「古惑的香檳」!!!

特別鳴謝專程由廣州嚟嘅街坊送咗我一對「夢想的婚禮」陶瓷公仔!!已經擺咗係我個電視機頂嘞!!

再特別鳴謝阿威竟然搵到一本1987年出版嘅「香港電視」!!點會只值$4?!直頭係無價寶啦!!已經放咗喺我夾萬裏面嘞!!!

超級易學簡單英文生日通勝....!

H A P P Y   B I R T H D A Y ...  H E L E N!!!

重覆一次! Happy Birthday Helen!

三哥哥送上連我自己都未睇過嘅星島日報專訪!

呢位小姐應該係我最年輕嘅街坊!! (佢叫...「節瓜仔」!個名我改嘅! heehee...)

原來我有好多街坊都係通輯犯.....又多一個嘞!!

生日會另一紅人 --- 馬頭導演 Edwin!!!

好多謝副會長大八、中八、小八、小小八一家人幫我地搞咗咁大壇嘢!!! (各位比D掌聲!)

仲要多謝最近生女生到傻咗都出嚟幫手嘅會長Roni!!! (再比D掌聲!)

最後要多謝大會嘅2位御用攝影師...阿Ken同阿Ken!!!(再比大力D嘅掌聲!)你地就嚟可以孖住上搞壇專門幫人影結婚相同function相嘅生意啦!!!

好,仲有大量大量大大量生日Party嘅靚相!!各位快D去以下嘅「靚相認領處」認領返自己個嘜頭啦!! (海外嚟唔到嘅街坊們歡迎隨便分享我地嘅快樂!!!學阿詩話齋:「快樂是免費的!」)

               http://picasaweb.google.com/trianglepig/090509HelenToBirthdayYoPark#

                           http://www.fotop.net/kenwu/HelenBdayParty2009

連場加映小弟現場獨家演唱嘅第一主打歌 --- "Call Waiting"!!! 我唔係唱MMO,我唱OOO!仲唔知點解自己升咗key添! (好多謝呢位街坊幫我補返段Guitar solo!!)

http://www.facebook.com/inbox/?ref=mb#/video/video.php?v=80130517762&oid=6510899857