「翻版元秋」!!!

「流行東京2」拍完亦播完之後,我就做返我嘅正職-----就係「玩」嘞!!!每年年尾聖誕節至新年,係我最放盡自己去「投入工作」嘅時間!!以下就係我其中一個聖Party嘅造型, Party嘅dress code主題係---「低能睡衣 silly pajamas」!

「翻版元秋之孔雀開屏」!!! 死未??!! hahahaha.....

個頭我自己捲嘅、個妝我自己化嘅、粒墨我自己畫嘅、套衫我自己喺女人街搵嘅! 參加呢啲「扮嘢Party」我係從來都唔會比自己輸架!!! I am unbeatable!!! hahhahaa....

孔雀元秋 + 低能阿Grace!!

呢張直情係....「我們的...<千王群英會>」!!! DJ miss yelllow瞳瞳當晚好似同我夾定咗咁!一直返咗去6、70年代做鄰居!!正!!!

由於啲髮卷太重,個party開到一半就忍唔住拆晒啲髮卷嘞!個頭拆晒啲髮卷之後原來好型!我死都話似I-D magazine封面!但就有人話我似翁倩玉!! hahahahaha......

大家仲記唔記得我舊年嗰個「80年代party」嘅「健美小姐」造型呀??! (唔記得or無睇過嘅請翻看我之前較早期嘅blog,有post過啲相出嚟嘅!亦嚇死過唔少街坊!!)咁又一年嘞!每年呢個costume party我都係最認真同投入去參與嘅!所以年年都贏冠軍,無輸過!!(有個friend話我如果工作都咁比心機,應該發咗達!) 但係由於年年都係我贏,啲friends開始投訴比我玩晒,佢地無得玩!! 所以我現在宣佈: 我由下年開始,學劉華一樣,唔再攞獎嘞!!比啲機會一班後起之秀啦!! hahaha... (瞳瞳,我睇好你呀!) 不過我依然會繼續好認真咁參與!大家放心!! hahhahaha....

後記: 當日我係就咁着住呢套衫,戴住晒啲髮卷,化住呢個妝,就咁落街搭的士嘅,一上車我即刻同個司機大佬講:「司機你唔洗驚,我去化妝舞會!你唔好嚇親!」結果佢全程不停喺倒後鏡度望住我偷笑...我就最驚沿路有road block..... !!

PS:「別人皆說我瘋癲...我說他人看不穿....」