留言板!!!!!!!!!!!!!!!!

好多謝喺我上一篇blog留言嘅愛心街坊Winnie同Clau嘅提點!!我寫咗咁耐blog,到而家先至知道原來呢度係有個留言板嘅!!!我從來無發現過亦無睇過!!係好在Winnie提一提我,話比我知我有個乜嘢留言板裏面比人留咗好多不雅嘅三級宣傳廣告叫我delete咗佢!!!嚇死我!!我仲懵盛盛唔知佢講乜...然後要多謝Clau post咗比我知個留言板喺邊,我先知咩事! (Thank u thank u!!)

嘩!一開!差D暈低咁劑!!!!!!!嚇死我!!!原來真係有好多不雅三級不文兼波濤洶湧嘅咸濕廣告!!!我真係想當場殺死嗰D不良份子!!!!!! I am super serious!!!仲有唔少手飾廣告甚至地產廣告!!!你地班友仔想點呀??!!係咪踩我Power Ranger個場想撩交打呀??!!!! (雖然Power Ranger係一個電腦白痴,但係維護正義係我嘅負責!!!!)

原來成個留言板總共有25頁!!!結果搞到我啱啱花足2粒鐘時間由頭到尾逐一check一次!逐一delete晒D壞人嘅廣告同列晒佢地入黑名單!! 全部刪除晒嘞! 放心!! (當然仲要慢慢逐個睇返之前我一直都miss咗嘅愛心街坊們嘅留言啦!!!)

先發覺我已經miss咗兩本雜誌嘅訪問邀請!!!(麻煩如果你係嗰兩本雜誌嘅記者又仲想訪問我嘅話,請你喺我呢篇blog度留返個回應同contact比我!我係好樂意接受訪問架!!!

仲比我搵返我中學時代至錫我嗰個PE Miss, Miss Cheung!! (如果真係你嘅話!我好想快D同你相認返!!) 想當年小弟讀緊中三就攞到「全校最佳女運動員」都係全靠佢夠偏心咋! hahaha... Anyways......

現在我杜如風喺度作出嚴重聲名:

1.各位親愛嘅街坊:請大家以後想留言比我的話,麻煩你地留返喺我嘅blog嘅「回應」嗰度!! (因為你留喺「留言板」我真係唔識點覆你! Sorry sorry...!)

2.極度可惡嘅不雅不良壞份子們: 呢度係一個非常正經、非常健康、老少咸宜嘅非謀利聯誼街坊福利會!絕不容許任何三級廣告及其他廣告嘅出現!!!!!曾經或即將準備喺我地盤留埋那種低俗色情廣告的畜生們,小弟喺度嚴重提醒你要小心自己最尾嗰2年!(即係舊年同今年!!)並且小弟會喺每晚臨瞓前誠心為你地祈禱,保祐你地死後必定被打落無間地獄,永不超生!!!

3.想搵我做訪問嘅各大記者大佬大姐們: 請隨時直接 send email比我,我是非常期待以「樂意接受訪問」為名去「呃水吹」的!! heeheehee...

    my email address:    toyufung123@gmail.com

PS: 你呢班極度可惡嘅不良畜生:小弟Power Ranger出嚟行走江湖,閒閒地一個打五個,有片比你睇架啦!喺我個場度攪事??!!未死過呀??!!