麥當勞叔叔!!!

My name is Ronald, Ronald McDonald!

尋晚係好友潼潼DJ MISS YELLOW嘅生日Party, MISS YELLOW生日, dress code梗係yellow黃色啦!要搵黃色衫太過無難度...結果比我諗到扮麥當勞叔叔!!!因為我覺得好多人小朋友嘅時候都曾經或好恨喺麥當勞開生日會,好似係一件好開心同好值得回憶嘅事咁....於是....我就帶咗麥當勞叔叔落蘭桂坊嘞.....!

HAPPY BIRTHDAY TUNG TUNG~~~!!!  麥當勞叔叔祝你生日快樂!!!

I love my shoes!! I'M LOVIN' IT!

扮麥當勞叔叔謹記個口唔可以合埋!我撐咗成晚!!着到咁去蒲我都係第一次,原來麥當勞叔叔真係好紅同好有face,入場必定係VIP又唔洗排隊,仲不停有人請嘢你飲添!(但一定唔係想溝你!)不過就不停有人問你攞薯條食!同埋不停有人走埋嚟要同你影相!我去咗嗰度4個鐘,有成3粒鐘都係比人捉住影相嘅,搞到自己無得玩!都幾無癮!!呢啲就係麥當勞叔叔嘅成名代價嘞!都係做返杜如風好過!點玩都無人理!

最遺憾係由於要化呢個妝化咗好耐,趕唔切去麥記走一轉!!本來諗住扮到咁走入去麥記呃包薯條坐底堂食(着到咁唔係仲要我比錢買吖?!),然後再走去KFC買雞食!可惜唔夠時間!下次先啦!

我今次又係就咁樣直接由屋企出發落老蘭嘅,同行嘅姊妹Amy問我驚唔驚,我話:「驚咩呀,都無人認得我!麥當勞成街都係啦!」反而我見到佢老公仲驚,行得離我咁遠得咁遠!haha...最好笑係個的士司機大佬,佢不但無嚇親,仲同我吹起水上嚟...

我一上車:「司機大佬,唔該去麥當勞呀!」

司機:「去返工呀?」

我答:「係呀,經濟唔好呀,開夜班呀!」

司機:「唔係嘛...今日你生日呀?」

我話: 「唔係,朋友生日啫!」

司機: 「朋友生日你都搞成咁呀?」

然後我個friend Amy忍唔住掐咀:「係呀,佢個個朋友生日都搞成咁!」

係呀....其實我個個朋友生日,我都鐘意將自己搞成咁...!!! hahahaa.... I'M LOVIN' IT!