My "Sex and the City wardrobe"!

Welcome to my new handmade "Sex and the City wardrobe"!! heehee...

自家製Sex and the City衣帽間

聖誕佳節, 大家一定收到很多聖誕禮物, 又或是許了不少聖誕願望… 等等。答: 「我的願望是世界和平! 」的人, 就真是未免太「行」了! 自己屋企人的和平狀況都還未搞得惦,那有如此簡單地許個願就能停止全世界各國沒完沒了的戰爭呢?許一些比較容易實現的願望,會否令自己好過一點,又開心一點呢?!

我個人就比較踏實,我的聖誕願望是要擁有一個像電影「Sex and the City 」( 「色慾都市」)內, 主角Carrie Bradshaw那個無敵wardrobe(衣帽間)!相信每位看過這套電影的女士們,在Carrie第一次推開這個由Mr.Big為她度身設計的衣帽間時,這段情節,應該會令所有女觀眾羨慕至失控地:「嘩」了出來吧?我亦相信自己是在戲院內,「嘩得最大聲嗰個」!由於這套電影(再加6個seasons的連續劇)太好看,看得投入,就自自自然然會代入角色,小女時常高攀地認為自己跟Carrie很相似;專欄作家,非常貪靚,永遠在深宵時分孤獨地對着部Laptop寫稿,然後將賺回來的所有都花在華衣美服上,弄到自己永遠身無分文…簡直跟我杜如風的際遇一模一樣呀!哈哈!

於是我認為我也值得擁有一個「Sex and the City衣帽間」,就當是自我獎勵的一份聖誕禮物! 坐言起行, 我决定親自落手落腳,將家中的一個房間改建為這個「貪慕虛榮衣帽間」,不出2個半星期,我的聖誕願望實現了! 我送給自己的這份「自家製」聖誕禮物收到了! 無比興奮!!

然後自豪地不停邀請好友來我家參觀這個Hand made的衣帽間,朋友們都讚口不絕: 「又真係整得幾似喎!夠招積喎!不過…你點只咁少衫呀小姐?」我尷尬地答: 「其實呢度只係掛起咗我今年內買嘅衫咋…舊嗰啲仲喺個櫃同個倉入面呀…」真的跟Carrie Bradshaw一樣,買衫買到「一個仙都冇得淨」!(小朋友千祈唔好學!)

近日,我每天都會久不久花些少時間,沾沾自喜地在這個「自家製貪慕虛榮衣帽間」內呆站一會兒,非常滿足地甜笑:「一目了然,唔洗喺個“ 亂葬櫃” 入面慢慢搵衫嘅感覺真係好嘞！」

「做嘢做得咁辛苦, 都係為咗咁啫…」

「但係原來我今年,都真係唔算買咗好多衫咋喎…不如下年…」嘻嘻！*** 以上的article刊登在New Monday較早前

的專欄內...***